Тэндэнцыі, кірункі развіцця і рэфармавання школьнай адукацыі. Агляд рамачных дакументаў і ключавых кампетэнцый.
Свет хутка мяняецца і развіваецца. З’яўляюцца новыя выклікі, якія паказваюць, што без адукацыі мы не можам з імі справіцца. Адукацыя ў наш час мяняецца практычна ва ўсіх краінах, і размова ідзе ўжо не пра разавыя акцыі, а пра перманентную рэформу. Хуткія змены ў свеце вымагаюць такой жа хуткай змены адукацыі. Але сёння многія эксперты ў галіне адукацыі канстатуюць, што “ў ХХІ стагоддзі большасць вучняў дагэтуль навучаюць настаўнікі, якія выкарыстоўваюць педагагічныя практыкі, якія выкарыстоўваліся школьнымі арганізацыямі ў ХІХ стагоддзі”.
