Засвоіць інавацыйныя тэхналогіі анлайн-навучання і атрымаць сродкі на рэалізацыю ідэі. “Васьміног” шукае супернастаўнікаў для стварэння анлайн-курсаў
Абвяшчаецца набор зацікаўленых у новых фарматах навучання педагогаў на ўдзел у інтэнсіў-практыкуме “Шлях героя да стварэння анлайн-курса”.
Вы створыце ўласны курс за 2 тыдні з дапамогай дасведчаных у сферы анлайн-навучання метадыстаў. У выніку будуць прафінансаваныя некалькі курсаў, якія ў далейшым будуць размешчаныя на навучальнай анлайн-платформе адукацыйнага праекту “Васьміног”.
Крытэры для адбору курсаў, якія будуць падтрыманыя “Васьміногам”:
- Выразныя і канкрэтныя навучальныя мэты, якія ясна растлумачаны ;
- Актуальны, інфарматыўны і заснаваны на надзейных крыніцах кантэнт, які павінен быць прадстаўлены такім чынам, каб было лёгка зразумець і засвоіць;
- Элементы інтэрактыўнасці, якія дазваляюць актыўна ўдзельнічаць у працэсе навучання;
- Модулі ці секцыі, якія студэнты могуць засвойваць у сваім уласным тэмпе;
- Гнуткасць у дачыненні да тэмпу навучання, часу і месцы, што робіць іх даступнымі для шырокага круга навучэнцаў.
Практыкум скіраваны на выкладчыкаў і выкладчыц Беларусі, унутры і па-за яе межамі, якія хочуць спраектаваць адукацыйны курс у анлайн-навучанні альбо удасканаліць прафесійныя веды ў падыходах, практыках ды інструментах анлайн-выкладання.
Запрашаем у падарожжа ў свет адукацыйнага дызайну ды стварэння анлайн-курса па кроках:
- Дарожная мапа ADDIE. Адукацыйная місія
- Формы анлайн-навучання ды адукацыйныя стратэгіі.
- Мэты курса. Структура анлайн-занятку
- Матывацыйны дызайн. Карта эмпатыі ды асаблівасці навучання дзяцей.
- Тэхнічныя сродкі захапляльнага курса.
- Зваротная сувязь, метрыкі паспяховасці курса ды яго паляпшэнне.
Курс будзе карысны адукатарам ды адукатаркам, зацікаўленым у:
– Upskilling (удасканальванне ведаў ды практык сучаснага анлайн-выкладання);
– Re-design афлайн-курса да анлайн-асяроддзя;
– Cross-skiling (засваенне навыкаў з сумежных прафесій: адукацыйны дызайн, метадалогія навучання);
– Пашырэнні магчымасцей у галіне сучаснай адукацыі.
Калі: 1 – 12 жніўня 2023 года
Фармат: 6 анлайн-сустрэч
Для чаго: рапрацоўка самастойнага анлайн-праекта/курса пры падтрымцы экспертаў і метадыстаў.
Дэдлайн падачы заявак: уключна да 26.07.2023
Запоўніць анкету ўдзельніка можна па СПАСЫЛЦЫ.
