Новыя магчымасці для настаўнікаў ад “Васьмінога”
“Васьміног” абвяшчае набор адукатараў і настаўнікаў да супрацы. У прыярытэце – выкладчыкі беларусацэнтрычнага блоку дысцыплін. З прэтэндэнтамі, якія пройдуць адбор і спецыяльнае навучанне, мы заключым кантракты на распрацоўку анлайн-курсаў з мэтай размяшчэння на нашай анлайн-платформе.
Вы можаце падаць заяўку і атрымаць дапамогу ў стварэнні ўласнага курса на беларускай мове, у тым ліку метадычнае, тэхнічнае і іншае суправаджэнне.
У прыярытэце “Васьмінога” наступныя прадметы:
- Беларуская мова і літаратура;
- Культура і гісторыя Беларусі;
- Геаграфія Беларусі і краязнаўства;
- Грамадазнаўства.
Крытэрыі адбору праектнай ідэі анлайн-курса:
- Курс суадносіцца з праграмай школьнага вучэбнага прадмета ці яе асобным раздзелам;
- Курс прапануе больш шырокі і глыбокі змест, чым вучэбная праграма;
- Вызначаная мэтавая аўдыторыя (клас, узрост ці катэгорыя вучняў), а таксама – працягласць курсаў (максімальны тэрмін – да 2 месяцаў);
- Дакладна сфармуляваныя мэты і чаканыя вынікі курса;
- Распрацаваная структура курса;
- Зразумела, у якой форме можа быць арганізаваная тэарэтычная і практычная часткі курса;
- Прыкладна вызначаныя метады падтрымкі матывацыі і цікавасці вучняў;
- Ёсць разуменне метадаў зваротнай сувязі і ацэньвання навучання.
Важна:
- Вашае бачанне будучага курса можа змяніцца падчас распрацоўкі;
- У прыярытэце – сінхронны фармат курса, з магчымасцю трансфармацыі ў асінхронны;
- Вы маеце практыку працы на анлайн-платформах;
- Вы можаце падаць заяўкі на некалькі курсаў;
- У вас ёсць неверагодная магчымасць рэалізаваць ваш досвед (ці займець яго) у суправаджэнні прафесіяналаў і на карысць беларускім дзецям.
Прапануем запоўніць форму заяўкі па СПАСЫЛЦЫ
!!! Апошні тэрмін падачы заявак – да 24:00 23 кастрычніка 2023 года.
Калі заяўка будзе адабраная, вы зможаце бясплатна прайсці кароткі курс навучання па стварэнні анлайн-курсаў, дзе дапрацуеце ўласны праект у суправаджэнні метадыстаў і размесціце свой курс на платформе “Васьміног”.
З кожным з абраных аўтараў курсаў будзе заключаны кантракт на яго выкананне.
Васьміног
